தமிழ்மணம் தொழில்நுட்ப கேள்விகளுக்கு பதில்கள்

ரவிசங்கர்

கேள்வி : Recent times when I try to post after typing my username and password the next screen says” புது இடுகை
எதுவும் காணப்படவில்லை” two times I tried and the same message came but post has not been appeared in tamilmanam. But it appears after some time. Some time it get posted if I post one more post after five minutes.Both posts
appears.

பதில் : தமிழ்மணம் தொடர்ச்சியாக தானியங்கியாக பதிவுகளை திரட்டிக் கொண்டிருக்கிறது. சில நிமிடங்களுக்கு ஒரு முறை இந்த திரட்டுதல் நடந்து கொண்டே இருக்கிறது. இதனால் சில நேரங்களில் பதிவுகள் Cache என்று சொல்லப்படுகிற சேமிப்பானில் இருக்கும். அவ்வாறான நேரங்களில் நீங்கள் குறிப்பிடும் பிரச்சனை வரும் வாய்ப்புள்ளதை கண்டறிந்தோம். உங்களுடைய கேள்விக்கு மிக்க நன்றி. தற்பொழுது இந்த வழு(Bug) களையப்பட்டிருக்கிறது

டோண்டு ராகவன்

கேள்வி :சில பதிவர்கள் தமது மென்பொருள் அறிவை தவறாகப் பயன்படுத்தி, தமது இடுகைகள் மட்டும் பல நாட்களாகத் தொடர்ந்து தமிழ்மண முதல் பக்கத்தில் வருமாறு செய்து விடுகிறார்கள்

பதில் : நீங்கள் குறிப்பிடும் பதிவுகள் தமிழ்மணம் முகப்பில் தொடர்ந்து இருக்க விளம்பரம் செய்யப்பட்ட பதிவுகள். தமிழ்மணத்திற்கு சமர்ப்பிக்கப்பட்ட சமீபத்தில் எழுதப்பட்ட இடுகைகள் மட்டுமே தமிழ்மணம் முகப்பில் தெரியும். அதனை யாரும் தவறாக பயன்படுத்துவதாக தெரியவில்லை

ஜோதிஜி

கேள்வி :ஓட்டுப்பட்டை என்பது அவசியமா? உறுப்பினராக இருப்பவர்கள் பதிவை வெளியிட்டதும் இயல்பாகவே இணைத்துக் கொள்ளும் வசதியை உருவாக்கினால் என்ன?

பதில் : ஒட்டுப்பட்டை (அ) பதிவுப்பட்டை என்பது அவசியமானது அல்ல. பதிவுப்பட்டையை இணைப்பது பதிவர்களின் தனிப்பட்ட விருப்பத்தை சார்ந்தது. அதனை தமிழ்மணம் வலியுறுத்துவது இல்லை. அதே நேரத்தில் சில வசதிகள் பதிவுப்பட்டை மூலமே சாத்தியமாகிறது – குறிப்பாக வாசகர் பரிந்துரை வாக்குகள், மறுமொழிகளை திரட்டுதல் போன்றவை ஒட்டுப்பட்டை (அ) பதிவுப்பட்டை மூலமே சாத்தியமாகிறது. பதிவுப்பட்டையை இணைக்காவிட்டாலும் பதிவுகளை தமிழ்மணம் தானியங்கியாக திரட்டும்.

செல்வராஜ நிரூபன்

கேள்வி :என்னிடம் சிறிய ஒரு கேள்வி இருக்கின்றது. சில நேரங்களில் தமிழ்மண முகப்பு பக்கத்தில் வெளிவருகின்ற பதிவுகளிற்கு அண்மையாக உள்ள யெலோ (Yellow) பட்டன் மூலம் ரிப்போர் செய்து, தனி மனிதத் தாக்குதலோ அல்லது ஆபாச விடயங்களோ இல்லாத பதிவுகளையும் விஷமத் தனமாக திட்டமிட்டு தமிழ் மணத்திற்கு ரிப்போர்ட் செய்து பலர் நீக்கச் செய்கின்றார்கள். இவ்வாறு பதிவர்களால் ரிப்போர்ட் செய்யப்படும் பதிவுகளும் தானியங்கி முறையில் தான் நீக்கப்படுகின்றனவா அல்லது தமிழ்மண நிர்வாகிகளின் பார்வைக்கு உட்படுத்தப்பட்டு நீக்கப்படுகின்றனவா? இதே வேளை ஒரு பதிவர் தனது தனிப்பட்ட ஐபி முகவரியிலிருந்து ரிப்போர்ட் செய்திருக்கிறாரா? அல்லது பல பதிவர்களின் வெவ்வேறு ஐபி முகவரியிலிருந்து புகார் செய்திருக்கிறார்களா? எனும் தொழில் நுட்பத் தகவல்களைத் தமிழ் மணம் பரிசோதித்தா இவ்வாறு ரிப்போர்ட் செய்யப்படும் பதிவுகளை நீக்குகின்றது?

பதில் : தமிழ்மணத்தில் ஒரு பதிவோ, இடுகையோ எதன் அடிப்படையில் நீக்கப்படுகிறது என்பது குறித்த விபரங்களை இந்தப் பதிவில் எழுதியிருக்கிறோம் (தமிழ்மணம் – பதிவுகளைச் சேர்த்தலும் விலக்கலும்). ஆனால் இது தானியங்கியாக செய்யப்படுவதில்லை. புகார் வழங்குபவர்கள் ஐபி விபரங்களை தமிழ்மணம் சேகரிப்பதில்லை. ஒரு புகார் முன்வைக்கப்படுகிறது என்பதாலேயே ஒரு பதிவோ, இடுகையோ நீக்கப்படுவதும் இல்லை. தகுந்த பரிசீலனைக்கு உட்படுத்தப்பட்டு தமிழ்மணம் சேர்க்கை விதிகளை மீறியிருந்தால் மட்டுமே ஒரு பதிவோ, இடுகையோ விலக்கப்படுகிறது.

முனைவர் இரா.குணசீலன்
கேள்வி :“தாங்கள் அளிக்கும் குறிச்சொற்களில் “இலக்கியம்“ என்னும் பிரிவும் இருந்தால் இலக்கியப் பதிவுகள் அதிகரிக்கத் துணையாக இருக்கும் எனக் கருதுகிறேன்..

பதில் : ஆலோசனைக்கு நன்றி. இதனை நிச்சயம் செய்கிறோம்

YOGA.S

கேள்வி :வார நட்சத்திரம் எவ்வாறு தேர்வு செய்யப்படுகிறது?தரப்படுத்தலில் பாகுபாடு காண்பிக்கப்படுவதில்லையா?அதிக பின்னூட்டம்(கருத்து)பெறுவோர் முன்னணிக்கு வந்து விட முடியுமா?பின்னூட்டமிடுவோர் கண்டிப்பாகப் பதிவராகத் தான் இருக்க வேண்டுமா?அப்போது தான் முகப்பில் இடம்பிடிக்கலாமா?(நான் பதிவரல்ல)

பதில் : நட்சத்திரங்கள் எவ்வாறு தேர்ந்தெடுக்கப்படுகிறார்கள் என்பது குறித்த விபரங்களை தனி இடுகையில் முன்வைக்க இருக்கிறோம். அப்பொழுது இது குறித்து விரிவாக எழுதுகிறோம்

கோவி.கண்ணன்

கேள்வி :‘மகளிர்மணம்’ எப்போது செயல்பாட்டுக்கு வரும் ? தமிழ்மணம் விவாதக் களங்களை (Forum) உருவாக்கி ஆக்கமான விவாதங்களுக்கு வழி செய்யலாமே

பதில் : உங்கள் ஆலோசனைக்கு மிக்க நன்றி. நல்ல யோசனை. இதனை பரிசீலனை செய்கிறோம்.

கேள்விகளை எழுப்பிய அனைவருக்கும் நன்றி. மேலும் கேள்விகளுக்கு பதிலளிக்க தயாராக இருக்கிறோம்

தமிழ்மணம் தொழில்நுட்பக் குழு

தமிழ்மணம் தொழில்நுட்ப கேள்வி பதில்கள்

தமிழ்மணம் இணைத்தளம் தமிழின் முதல் இணையத்திரட்டியாக 2004ல் தொடங்கப்பட்டது. 2006ல் இருந்து தமிழ்மணத்தை தமிழ் மீடியா இண்டர்நேசனல் நிறுவனம் நடத்தி வருகிறது. தமிழ்மணத்தினை தொடர்ந்து தமிழின் முதன்மையான இணையத்திரட்டியாக தக்கவைப்பதற்கு தமிழ் மீடியா இண்டர்நேசனல் நிறுவனம் தன்னாலான
முயற்சிகளை தொடர்ந்து செய்து வந்திருக்கிறது. கடந்த ஐந்து ஆண்டுகளாக தமிழ்மணத்தின் தொழில்நுட்பத்தில் பல்வேறு புதிய சேவைகளை தொடர்ந்து அறிமுகம் செய்து வந்திருக்கிறோம். தமிழ் வலைப்பதிவுகளுக்கு வேறு எந்த மொழியிலும் இல்லாத அளவுக்கு பல்வேறு வசதிகளை தமிழ்மணம் வழங்கி வருகிறது. அதே நேரத்தில் தமிழ்மணத்தின் சேவையை இதை விட இன்னும் மேம்படுத்தி கொடுக்க இயலும். தமிழ்மணத்திலேயே இன்னும் பல தொழில்நுட்ப குறைகள் இருக்கத்தான் செய்கின்றன என்பதை நாங்கள் உணர்ந்தும் இருக்கிறோம். என்றாலும் லாப நோக்கு இல்லாத தன்னார்வ நிறுவனமாக தமிழார்வளர்களின் பகுதி நேரப் பணியில் செயல்படும் தமிழ்மணம் எதிர்கொண்ட/எதிர்கொண்டு வருகின்ற சவால்களும் ஏராளம். இந்த சவால்களுக்கு மத்தியில் தான் எங்களால் வழங்க முடிந்த புதிய சேவைகளை அறிமுகப்படுத்தி வருகிறோம்.

இந்த நட்சத்திர வாரத்தில் தமிழ்மணம் சார்ந்த பல்வேறு விடயங்களை முன்வைக்க இருக்கிறோம். அதன் ஒரு பகுதியாக இந்த இடுகையில் தமிழ்மணம் செயல்படும் தொழில்நுட்பம் குறித்து ஒரு சுருக்கமான அறிமுகத்தை வழங்குகிறோம். இதன் மூலம் தமிழ்மணம் எவ்வாறு செயல்படுகிறது என்பதை புரிந்து கொள்ள இயலும்.

தமிழ்மணம் நிர்வாகத்திற்கு வருகின்ற பலக் கேள்விகள் தமிழ்மணத்தின் சூடான இடுகைகள், தமிழின் முன்னணி இடுகைகள் போன்ற சேவைகள் தமிழ்மண நிர்வாகத்தால் தேர்ந்தெடுக்கப்படுவதாக பலர் நினைப்பதை எங்களுக்கு தெரிவிக்கிறது. தமிழ்மணத்தின் அனைத்து சேவைகளும் தானியங்கியாகவே செயல்படுகின்றன. தமிழ்மணத்தின் எந்தச் சேவையிலும் மனிதத் தலையீடு இருப்பதில்லை. பதிவுகளை திரட்டுதல் தொடங்கி தமிழின் முன்னணி இடுகைகளை பட்டியலிடுவது வரை அனைத்தையுமே தமிழ்மணம் தானியங்கியாக தான் வழங்குகிறது.

இன்று பதிவுகளின் எண்ணிக்கை பத்தாயிரத்தை எட்டும் நிலையிலும் தமிழ்மணம் பதிவுகளை தானியங்கியாக திரட்டுகிறது. தமிழ்மணம் திரட்டி தினமும் பல ஆயிரம் பதிவுகளின் செய்தியோடைகளை திரட்டி அதில் இருந்து சமீபத்தில் எழுதப்பட்ட இடுகைகளை தமிழ்மணத்தின் முன் பக்கத்திற்கு கொண்டு வருகிறது. ஒரு நாளில்
தமிழ்மணத்தில் தற்பொழுது 500 இடுகைகள் எழுதப்படுகின்றன. இந்த 500 இடுகைகளை அவற்றின் குறிச்சொல் கொண்டு இசை, நகைச்சுவை, சினிமா, அரசியல் என தமிழ்மணம் திரட்டி பல்வேறு பிரிவுகளில் வகைப்படுத்துகிறது. அது மட்டுமில்லாமல் ஒவ்வொரு இடுகையும் பெறும் மறுமொழிகளின் எண்ணிக்கை தமிழ்மணம்
முகப்பில் தொகுக்கப்படுகிறது. அது தவிர மறுமொழித் திரட்டி மூலம் அனைத்து மறுமொழிகளையும் வாசிக்க முடியும். மறுமொழித் திரட்டி தமிழ்மணத்தின் முக்கிய சேவையாக இருந்து வருகிறது. பதிவுகளை திரட்டுவதை விட மறுமொழிகளை திரட்டுவது சவால் நிறைந்தது. தமிழ்மணம் வழங்கிக்கு அழுத்தம் கொடுக்ககூடிய இந்தச் சேவையை தமிழ்மணம் தொடர்ந்து வழங்கி வருகிறது. தமிழ்மணம் வழங்கிக்கு பாதிப்பு ஏற்படாதவண்ணம் இந்த தொழில்நுட்பம் அமைக்கப்பட்டுள்ளது.

செய்தியோடைகள்
தமிழ்மணம் செய்தியோடைகளை (RSS Feed) அடிப்படையாகக் கொண்டு செயல்படுகிறது. செய்தியோடையில் செய்யப்படும் எந்த வகை மாற்றமும் தமிழ்மணம் பதிவுகளை திரட்டுவதை பாதிக்கும். பல நேரங்களில் பலப் பதிவர்கள் தங்களுடைய பதிவுகள் திரட்டப்படுவதில்லை என்ற குறைகளை முன்வைக்கிற பொழுது அது பெரும்பாலும் அவர்களின் செய்தியோடை சார்ந்த பிரச்சனையாகவே இருக்கிறது. செய்தியோடை மாற்றங்களில் எப்பொழுதும் பதிவர்கள் கவனம் கொள்ள வேண்டும்.

தமிழ்மணம் தொழில்நுட்பம் சார்ந்த பல்வேறு மாறுபட்ட எண்ணங்கள் பதிவர்கள் மத்தியில் இருந்து வருகிறது. நட்சத்திர வாரத்தில் இடுகைகளை வெளியிடுவதோடு நின்று விடாமல் தமிழ்மணத்தின் தொழில்நுட்பம் குறித்த உங்கள் கேள்விகளுக்கு நாங்கள் விடையளிக்க விரும்புகிறோம். இந்த இடுகையின் மறுமொழியில் உங்கள் கேள்விகளை கேட்கலாம். பதில்களை மறுமொழியிலோ, மற்றொரு இடுகையிலோ அளிக்க தயாராக இருக்கிறோம்.

கேள்விகளை கேளுங்கள்…

தமிழ்மணம் தொழில்நுட்பக் குழு

தமிழ்மணம் & பதிவுகள் இயங்குவேகம் தொடர்பான பிரச்சனைகள்

November 19, 2008 · Posted in தமிழ்மணம் · 12 Comments 

தமிழ்மணம் தளத்தில் இருந்த பெரும்பாலான பிரச்சனைகள் சரி செய்யப்பட்டு விட்டன. தமிழ்மணத்தில் புதிய இடுகைகளை இணைப்பது, பதிவுகளில் தமிழ்மணம் பதிவுப்பட்டையின் தறவிறக்கம் போன்றவை மிக வேகமாக இயங்குவதை எங்களின் சோதனை மூலம் உறுதிப்படுத்தியுள்ளோம்.

தமிழ்மணம் கருவிப்பட்டை மட்டுமே பதிவுகளை தாமதப்படுத்துவதாக பல பதிவர்கள் கூறியிருந்தார்கள். இந்தப் பிரச்சனை முழுவதுமாக தற்பொழுது சரி செய்யப்பட்டு விட்டாலுங்கூட சில தொழில்நுட்பம் சார்ந்த விடயங்களை பதிவர்களின் கவனத்திற்கு கொண்டு வர விரும்புகிறோம்.

- தமிழ்மணம் நிரலி தவிர பதிவர்கள் பல விதமான நிரலிகளை தங்கள் பதிவுகளில் இணைத்துள்ளனர். இந்த நிரலிகளும் பதிவுகளின் தரவிறக்கத்தை தாமதப்படுத்துகிறது. தமிழ்மணம் நிரலி மட்டுமே உள்ள பதிவுகளின் தரவிறக்கம் வேகமாக உள்ளதை எங்கள் சோதனைகளில் உறுதி செய்திருக்கிறோம். உதாரணமாக இந்தப் பதிவில் தமிழ்மணத்தின் பதிவுப்பட்டை இரு முறை தோன்றியுள்ளது. http://rprajanayahem.blogspot.com/2008/11/blog-post_18.html
ஆனாலும், இது வேகமாக தரவிறக்கமாகிறது. மாறாக, வேறு நிரலிகள் இணைக்கப்பட்ட பதிவுகள், குறிப்பாக Google Analytics சார்ந்த நிரலிகள் கொண்ட பதிவுகள் தரவிறக்கமாக தாமதமாகிறது.

- இது தவிர ஐ.பி.எண்களை காட்டும் நிரலிகளும் பதிவுகளின் தரவிறக்கத்தை தாமதம் செய்கிறன.

- தமிழ்மணம் நிரலியிற்கூட பதிவர்களின் புகைப்படங்களை திரட்டும் Gravatar நுட்பமே தமிழ்மணம் பதிவுப்பட்டை பிரச்சனைகளுக்கு காரணமாக இருந்தது. தற்காலிகமாக Gravatar மூலமாக புகைப்படம் திரட்டுதலை நிறுத்தியுள்ளேம்.

பதிவர்கள் தற்பொழுது தமிழ்மணம் பதிவுப்பட்டை மட்டுமில்லாது, பதிவுகளை திரட்டுவதும் வேகமாக உள்ளதை உணரலாம். வேறு ஏதேனும் பிரச்சனைகள் இருந்தால் அதனை பதிவர்கள் எங்களுக்கு தெரியப்படுத்தலாம். விரைவாக சரி செய்ய முயல்வோம்

கடந்த சில நாட்களாகத் தமிழ்மணம் தளத்தில் இருந்த பிரச்சனைகளுக்கு வருந்துகிறோம்.

புரிந்துணர்வுடன் தொடரும் ஒத்துழைப்பிற்கு நன்றி…

நிர்வாகம்
தமிழ்மணம்

தமிழ்மணத்திலே இடுகைகளைச் சேர்த்தல்

November 17, 2008 · Posted in அறிவிப்புகள் · 23 Comments 

தமிழ்மணம் வழங்கியின் பராமரிப்பு தொடர்பான வேலைகள் முடிவடைந்து, தமிழ்மணம் வழக்கமான சேவைக்குத் திரும்பியிருக்கின்றது.

எனினும், பதிவர்கள் புதுஇடுகைகளைத் தமது பதிவுகளிலிருந்தே தமிழ்மணத்துக்குச் சேர்ப்பதிலே தடங்கலிருக்கின்றதாகத் தெரிகின்றது. புதிய இடுகைகளைச் சேர்க்கும்போது, “புதிய இடுகைகள் காணப்படவில்லை” என்ற செய்தி கிட்டுகிறது.

தற்போதைக்கு பதிவர்கள் தமிழ்மணத்தின் முன்பக்கத்திலே “இடுகைகளைப் புதுப்பிக்க” வசதியினூடாக, தம் பதிவு முகவரியினைத் தருவதன்மூலம், வழக்கம்போலவே புதிய இடுகைகளைத் தமிழ்மணத்திலே சேர்க்கலாம்.

தம் பதிவுகளிலிருந்து நேரடியாகப் புதிய இடுகைகளை அறியத்தரும் நுட்பத்திலிருக்கும் குறைபாடு விரைவிலே களையப்பட்டுத் தொழிற்படுவதற்கான முயற்சி செய்கிறோம்.

புரிந்துணர்வோடு தொடரும் ஆதரவுக்கு நன்றி.

பின்னிணைப்பு
நவம்பர் 18, 2008
தற்போது, இடுகைகளைப் பதிவிலிருந்தே இணைக்கும் சேவை தொழிற்படுகிறது

ப்ளாகர் பதிவுகளில் – பின்னூட்டங்களில் ”’))’))’)) said…”, பதிவுப்பட்டை பல முறை தெரியும் பிரச்சனைகள்

தமிழ்மணம் கருவிப்பட்டை சில பதிவுகளில் பல முறை தெரியும் பிரச்சனை இருந்து வருகிறது. கருவிப்பட்டையை இணைக்க பதிவர்கள் ஒன்றுக்கும் மேற்பட்ட முறை “அளி” என்ற பொத்தனை அழுத்துவது தான் இதற்கு காரணம் (Multiple clicks on the submit button). இவ்வாறு செய்யும் பொழுது தமிழ்மணம் பதிவுப்பட்டை நிரலி பல முறை இணைக்கப்பட்டு விடுகிறது. இதன் காரணமாக தமிழ்மணம் பதிவுப்பட்டை பல முறை தெரிகிறது.

உதாரணத்திற்கு கீழே உள்ள படத்தை கவனிக்கவும். இதில் தமிழ்மணம் பதிவுப்பட்டை இரு முறை தெரிகிறது. சில பதிவுகளில் மூன்று பதிவுப்பட்டைகள் கூட தெரிகின்றன.

இது தவிர ஜெகத்தின் நிரலும் பல முறை இணைக்கப்பட்டு விடுகிறது. இதன் காரணமாக மறுமொழிகளில் மறுமொழியிட்டவரின் பெயர் தெரியாமல் ”’))’))’)) said…” போன்ற பிரச்சனைகளும் இருந்து வருகிறது.

உதாரணத்திற்கு கீழே உள்ள படத்தை கவனிக்கவும். மறுமொழியிட்டவரின் பெயர் தெரியவில்லை. மாறாக ”’))’))’)) என உள்ளது.

மேலதிக தகவல்களுக்கு பதிவர் Voice on Wings அவர்களின் பதிவை பார்க்கலாம்

இந்தப் பிரச்சனைகளை தற்பொழுது தமிழ்மணம் அடைப்பலகை மேம்படுத்தும் கருவியில் சரி செய்திருக்கிறோம்.

http://www.tamilmanam.net/tamilmanam/toolbar/blogger.html

ஒருவர் ஒரு முறை மட்டுமே click செய்யும் வகையில் இந்த அடைப்பலகை மேம்படுத்தும் கருவி சரி செய்யப்பட்டுள்ளது. அது போல ஜெகத்தின் நிரலி ப்ளாகரின் ஆரம்பகால வழுக்களுக்கு (blogger beta bugs) தேவைப்பட்டது. ஆனால் தற்பொழுது அந்த நிரலி தேவையில்லை என்பதால் அடைப்பலகை கருவியில் தமிழ்மணம் நிரலி மட்டுமே சேர்க்கப்படும்.

பதிவர்கள் தங்கள் அடைப்பலகையை சரி செய்ய இந்த சுட்டியில் உள்ள ஆலோசனைகளை பார்க்கலாம் – http://valaipadhivan.blogspot.com/2008/07/said.html

புதியதாக அடைப்பலகையை இணைக்க விரும்பும் பதிவர்கள் தமிழ்மணம் அடைப்பலகை மேம்படுத்தும் கருவியை கொண்டு தமிழ்மணம் பதிவுப்பட்டையை இணைத்து கொள்ளலாம்

இந்தப் பிரச்சனை குறித்து அறியத்தந்த நண்பர் Voice on Wingsக்கு நன்றி…

தமிழ் சசி,
தமிழ்மணம்

தமிழ்நிழல் – தமிழ்மணம் படத்திரட்டி

தமிழ் வலைப்பதிவுகளில் வெளியாகும் பல்வேறு படங்களை (புகைப்படங்கள், ஓவியங்கள்) தொகுக்கும் திரட்டியை – தமிழ்நிழல் தற்பொழுது வெளியிட்டிருக்கிறோம்.

இது தமிழ்நிழலின் ஆரம்பகட்ட சோதனை வடிவம். புகைப்படங்களை சார்ந்த பல்வேறு வசதிகளை விரைவில் தமிழ்நிழல் திரட்டியில் எதிர்பார்க்கலாம்.

நன்றி
தமிழ் சசி
தமிழ்மணம்

தமிழ்மணத்தின் புதிய சேவைகள் : பதிவர் புத்தகம், மறுமொழிகளை புதுப்பிக்கும் வசதி

மறுமொழிகளை புதுப்பிக்கும் வசதி

தமிழ்மணம் மறுமொழிகள் திரட்டியான ‘ம’ திரட்டி மூலமாக பல்வேறு வழிகளில் மறுமொழிகளை திரட்டுகிறோம்.

ப்ளாகர் தளங்களில் இயங்கும் பதிவுகளில் தமிழ்மணம் கருவிப்பட்டை மூலமாக மறுமொழிகள் நிலவரம் திரட்டப்படுகிறது. இது தவிர கருவிப்பட்டை இணைக்கப்பட்ட பதிவுகளின் செய்தியோடைகள் மூலமாக அனைத்து மறுமொழிகளையும் தமிழ்மணம் தானியங்கியாக திரட்டுகிறது. இதன் மூலம் அனைத்து மறுமொழிகளையும் மென்நூலாக்கும் வசதி உள்ளிட்ட பல வசதிகளை ‘ம’ திரட்டி வழங்குகிறது

தமிழ்மணம் பதிவுப்பட்டையை ப்ளாகர் பதிவுகளில் இணைக்கும் செய்முறை இந்தப் பக்கத்தில் உள்ளது

வேர்ட்பிரஸ்.காம் தளங்களில் இயங்கும் பதிவுகளில் கருவிப்பட்டையை இணைக்க முடியாத நிலை உள்ளதால் இந்தப் பதிவுகளின் மறுமொழி ஓடை மூலமாக மறுமொழி நிலவரத்தை தமிழ்மணம் தானியங்கியாக திரட்டுகிறது. வேர்ட்பிரஸ்.காம் பதிவர்கள் மறுமொழிகள் திரட்டுவதற்கு எந்த தனி வசதியும் செய்ய தேவையில்லை. தமிழ்மணத்தில் இணைந்தாலே போதுமானது.

இவ்வாறான வசதிகள் இருந்தும் பல பதிவர்கள் தங்கள் பதிவுகளின் மறுமொழிகள் நிலவரம் தமிழ்மணத்தில் தெரியவில்லை என்று தமிழ்மணத்திற்கு தெரிவித்து வருகிறார்கள். தமிழ்மணத்திற்கு வரும் பெரும்பான்மையான தொழில்நுட்ப சார்ந்த கேள்வியாக இந்தப் பிரச்சனையே இருந்து வருகிறது.

தமிழ்மணத்தின் தொழில்நுட்பத்தை பொறுத்தவரை ‘ம’ திரட்டியின் தொழில்நுட்பம் சரியாகவே செயல்படுகிறது.
blogspotல் இயங்கும் பதிவர்கள் தங்கள் பதிவுகளில் கருவிப்பட்டையை சரியாக இணைத்து விட்டால் மறுமொழிகள் ”தானியங்கியாக” திரட்டப்பட்டு விடும். வேர்ட்பிரஸ்.காம் பதிவர்களின் மறுமொழிகள் நிலவரமும் தானியங்கியாக திரட்டப்படுகிறது.

தமிழ்மணத்தின் தொழில்நுட்பம் சரியாக செயல்பட்டாலும், தொடர்ந்து பல பதிவர்கள் இந்தப் பிரச்சனை குறித்து எங்களுக்கு அறியத்தருவதால் ஒரு மாற்று வழியினை ஏற்படுத்தி இருக்கிறோம்.

இந்த மாற்று வழி மூலமாக இடுகைகளை புதுப்பிப்பது போல மறுமொழிகளின் நிலவரத்தை தமிழ்மணத்திற்கு ping செய்யலாம். இதன் மூலம் உங்கள் பதிவின் மறுமொழி நிலவரத்தை தமிழ்மணம் திரட்டிக் கொள்ளும். இந்த வசதி ப்ளாகர், வேர்ட்பிரஸ்.காம் என்றில்லாமல் மறுமொழி ஓடை கொண்ட அனைத்து பதிவுகளுக்கும் செயல்படும்.

தற்போதைய நிலையில் இந்த வசதி தமிழ்மணத்தின் சோதனையில் உள்ளது. திரட்டுவதில் ஏற்படும் பிரச்சனைகளை எங்களுக்கு தெரிவியுங்கள்

இந்த வசதி மாற்று ஏற்பாடு மட்டுமே. உங்கள் மறுமொழிகளை தானியங்கியாக திரட்ட தமிழ்மணம் பதிவுப்பட்டையை பயன்படுத்துங்கள்

மறுமொழிகளை எப்படி புதுப்பிப்பது ?

1. தமிழ்மணம் “ம” திரட்டிக்கு செல்லுங்கள்
http://www.tamilmanam.net/m/thiratti.html

2. அங்கு ”மறுமொழிகளை புதுப்பிக்க” என்று காணப்படும் பெட்டியில் உங்கள் பதிவின் முகவரியை அளிக்கவும்
உதாரணமாக http://parthy76.blogspot.com என்ற பதிவின் மறுமொழி நிலவரத்தை தமிழ்மணத்திற்கு அளிக்க, பெட்டியில் கீழ்க்கண்ட படத்தில் உள்ளது போல அந்தப் பதிவின் முகவரியை http://parthy76.blogspot.com அளிக்கவும்

ping feedback

3. அளி என்ற பொத்தானை அழுத்தினால் தமிழ்மணம் உங்கள் பதிவின் மறுமொழி நிலவரத்தை திரட்டிக் கொள்ளும்

பதிவர் புத்தகங்கள்

பதிவர் புத்தகங்கள் என்ற புதிய பக்கத்தை தமிழ்மணத்தில் ஏற்படுத்தி உள்ளோம். வலைப்பதிவர்கள் எழுதும் புத்தகங்கள் குறித்த அறிமுகத்தை பிற பதிவர்களிடமும், வாசகர்களிடமும் கொண்டு செல்ல இந்த பக்கம் உதவும் என நம்புகிறோம்.

blogger_books

பதிவர் புத்தகங்கள் பகுதியில் தங்கள் புத்தகத்தை இணைக்க விரும்பும் பதிவர்கள் புத்தகம் குறித்த விபரங்களுடன் admin@thamizmanam.com என்ற முகவரிக்கு மின்னஞ்சல் அனுப்பலாம்.

நன்றி,
தமிழ் சசி
தமிழ்மணம்